Erronka gainditu eta 250 gara jada! 15 egunetan 400 baietz!

Joan den astean, 15 eguneko epea jarri genion gure buruari 200 izateko eta astebetean 250 gara jada! Erronka gaindituta!

Hurrengo erronka da azaroaren 14ean 400 izatea. Lagunduko diguzu?

Kargatzen…

Oh: Izen-emate orria ez bada kargatzen, sartu hemen: https://goo.gl/forms/phGIudPAfaCevvS63

Bertonek opari ederra egin digu: ‘Bilbotarron euskararen zuzuan’en aleak!

Berton aldizkariak opari ederra egin digu: Iñaki Gamindek idatzitako Bilbotarron euskararen zuzuan (2004, Asapala) liburuaren aleak. Liburuak Bilboko euskalkiaren nondik-norakoak jasotzen ditu eta Mahatserriko aldizkariak 11 EGUN EUSKARAZeko parte-hartzaileei oparitu nahi izan die.

Izan Belarriprest, izan Ahobizi, Berbaizura hurreratu eta zure alea hartu!

Bilbotarron euskararen zuzuan

Bihar, asteazkena, 18:00etan txapa-egite auzolana Müllerenean!

Bihar 18:00etan 11 EGUN EUSKARAZen erabiliko ditugun txapak egiteari ekingo diogu Müllerenean. Bi txapa mota erabiliko dira 11 egunez, Ahobizi eta Belarriprest , eta bihar edozein esku ondo etorria izango da txapak ahalik eta lehenen ateratzeko! 11 egunez euskaraz bizitzeko gogotsu gaude!

AhobiziBelarriprest

Bihar arte!

Deustualdeko hizkuntza-ohiturak iraultzeko 11 egun!

Deustualdean euskaldun asko bizi gara, baina ez dugu nahi beste euskara entzuten. Horregatik, Deustualdeko euskaldunok azaroaren 23tik abenduaren 3ra arte euskaraz biziko gara, inguru honetako hizkuntza-ohiturak iraultzeko asmoz. Ez pentsa zorakeri bat denik; burutik jota gaudenik, zerbait berri asmatzen ari garenik, izan ere, Egian, Lasarten edo Agurainen halako esperientziak egin izan dituzte. Gainera, 2018ko azaroaren 23tik abenduaren 3ra arte Euskaltzaleen Topaguneak Eusko Jaurlaritzaren laguntzaz Euskal Herri mailako aktibatze kanpaina abiatuko du.

Horiek horrela, Deustualdean aurten probako saioa egitea erabaki dugu eta webgune honen bidez 11 EGUN EUSKARAZen jarraipena egiteko aukera izango duzu. Azaroaren 23tik abenduaren 3ra arte euskaraz biziko gara Deustualdean eta erronka hau gurekin egin nahi baduzu eman hemen izena: https://goo.gl/forms/8LNmoQoV6AFcE5ci2

Baietz Deustualdean 11 EGUN EUSKARAZ bizi!

11 EGUN EUSKARAZ